Наубайшы Серік Әлімов түнгі сағат үште тұрады. Таңғы алтыға қарай шағын наубайханасында алғашқы батондар дайын болуы керек. Алдымен ол ұнды тексеріп, қамыр илейді, сосын қамырдың ашуына уақыт береді. «Біздің жұмыста ең бастысы – шыдамдылық, – дейді Серік. – Қамырды асықтырсаң, нан тығыз әрі дәмсіз болады». Мамандығын ол бала кезінде әжесіне бауырсақ пісіруге көмектесіп жүргенде таңдаған. Мектептен кейін Серік колледжді бітіріп, бес жыл тәжірибелі шебердің қолында үйренген. Қазір өзі жас көмекшілерді оқытады. Аудан тұрғындары оның нанын иісі мен жұмсақтығы үшін жақсы көреді. Демалыс күндері Серік мектеп оқушылары үшін экскурсия өткізеді: пештің қалай жұмыс істейтінін көрсетіп, кішкентай тоқаш жапсыруға рұқсат береді. «Балалар нанның қайдан келетінін және оған қанша еңбек сіңетінін білсін», – деп күледі наубайшы.
Серік наубайшы мамандығын неге таңдады?
Жауап пен талдауды көрсетуЖауап пен талдауды жасыру
Дұрыс жауап
- Cәжесіне бауырсақ пісіруге көмектескен
Талдау
Мәтінде Серік мамандығын бала кезінде әжесіне бауырсақ пісіруге көмектесіп жүргенде таңдағаны айтылған. Экскурсияны ол кейін өткізе бастады, ал шебер оны мамандық таңдағаннан кейін оқытты. Түнде жұмыс істеу таңдаудың себебі ретінде аталмаған.