Химия пәнінен № 440 тапсырма: Ауыспалы элементтер және оның қосылыстары. Кешенді қосылыстар

Ауыспалы элементтер және оның қосылыстары. Кешенді қосылыстарМәтін бойынша · жеңіл

Хром және оның қосылыстары. Хром жер қыртысында едәуір кең таралған элемент (массасы бойынша 0,03 %). Хромның негізгі қосылыстары – хромды темір тас (хромит) $\ce{FeO} \cdot \ce{Cr2O3}$. Маңызы жағынан екінші минерал – крокоит $\ce{PbCrO4}$. Сондай-ақ хромның мынадай минералдары да бар: магнохромит $\mathrm{MgFeCr_2O_4}$, хромпикотит $\mathrm{MgFe(Cr \cdot Al)_2O_4}$ және алюмохромит $\mathrm{MgFe(Cr \cdot Al \cdot Fe)_2O_4}$. Табиғи хром төрт тұрақты изотоптан тұрады: $^{50}_{24}\mathrm{Cr}$ (4,345 %), $^{52}_{24}\mathrm{Cr}$ (83,789 %), $^{53}_{24}\mathrm{Cr}$ (9,501 %), $^{54}_{24}\mathrm{Cr}$ (2,365 %). Хромға +2, +3 және +6 тотығу дәрежелері тән. Хромның +2 қосылыстары негіздік, +3 қосылыстары амфотерлік, +6 қосылыстары қышқылдық қасиет көрсетеді. +3 тотығу дәрежесіне амфотерлік оксид $\ce{Cr2O3}$ және гидроксид $\ce{Cr(OH)3}$ сәйкес келеді. Бұл – хромның ең тұрақты тотығу дәрежесі. $\ce{Cr2O3}$-ті сілтілермен балқытқанда хромиттер алынады. +6 тотығу дәрежесіне қышқылдық оксид хром (VI) оксиді $\ce{CrO3}$ және бірқатар қышқылдар сәйкес келеді. Олардың қарапайымдары – хром қышқылы $\ce{H2CrO4}$ және екіхром қышқылы $\ce{H2Cr2O7}$. Олар тұздардың екі қатарын түзеді: сәйкесінше сары хроматтар және қызғылт сары дихроматтар. Хроматтар сілтілік ортада, дихроматтар қышқыл ортада тұрақты болады. Хроматтардың ерігіштігі шамамен сульфаттардың ерігіштігіне сәйкес келеді.

Натрий хромитінің формуласы

1. A$\ce{NaCrO2}$
2. B$\ce{Na2Cr2O7}$
3. C$\ce{Na3[Cr(OH)6]}$
4. D$\ce{Na2CrO4}$