Қазақ әдебиеті пәнінен № 1620 тапсырма: Ш. Қанайұлы «Зар Заман», С. Аронұлы «Сүйінбай мен Қатағанның айтысы», М. Мөңкеұлы «Үш қиян», «Сарыарқа» т.б.

Ш. Қанайұлы «Зар Заман», С. Аронұлы «Сүйінбай мен Қатағанның айтысы», М. Мөңкеұлы «Үш қиян», «Сарыарқа» т.б.Мәтін бойынша · орташа

XIX ғасырдағы қазақ поэзиясында «зар заман» деп аталатын ағым пайда болды. Бұл ағымның өкілдері – Шортанбай Қанайұлы, Дулат Бабатайұлы және Мұрат Мөңкеұлы. Олар өлеңдерінде заманның тарылғанын, елдің ынтымағы кеткенін, ата-баба жерінің қолдан шыға бастағанын жоқтау үнімен жеткізді. Шортанбай «Зар заман» толғауында бұрынғы әділ, адал адамдардың орнына жалған сөйлеп, тек пайданы көздейтіндердің көбейгенін сынайды. Мұрат Мөңкеұлы «Сарыарқа» жырында ата-баба мекенін сағына еске алса, «Үш қиян» толғауында ел тағдырына алаңдаушылық басым. Нысанбай жырау «Кенесары-Наурызбай» жырында ұлт-азаттық көтеріліс батырларын мадақтайды, яғни оның үні – жоқтау емес, ерлікті паш ету. Ал Сүйінбай Аронұлы мен Қатағанның айтысы мүлде басқа сипатта: онда екі ақын бір-біріне сөз тастап, жүйріктігі мен тапқырлығын сынға салады. Сөйтіп, XIX ғасыр поэзиясында жоқтау, ерлікті жырлау және сөз сайысы қатар өмір сүрді.

Мәтін бойынша «зар заман» ағымының өкілдері қай қатарда дұрыс аталған?

1. AШортанбай Қанайұлы, Нысанбай жырау, Мұрат Мөңкеұлы
2. BДулат Бабатайұлы, Сүйінбай Аронұлы, Нысанбай жырау
3. CШортанбай Қанайұлы, Дулат Бабатайұлы, Мұрат Мөңкеұлы
4. DСүйінбай Аронұлы, Қатаған, Шортанбай Қанайұлы